انت انانى

موضوع: انت انانى الجمعة فبراير 26, 2010 6:08 am

انت انانى

**********

انت انانى ...عايش جواك انسان تانى

يوم بتحب بتبقى حنون ...وكتير جواك شىء مجنون

عايش ليا...؟ عايش بيا...؟ طب ليه ضعفى عليك بيهون

استحملت كتير وياك...ما تكلمت عشان بهواك

وياريت قلبك كان بيقدر...وقت كتير بتسامح تغفر

واوقات تانية بتبقى نيران ...وجحيم ثاير فوق بركان

وانا وعنيا وقلبى وضعفى ...عشنا بنحلم يوم بامان

وانت انانى...عايش جواك انسان تانى

كل ماطمن قلبى معاك...ارجع اشوف فى هواك ويلات

ويل من حبك المجنون ...وويل من قلبك الحنون

وويلات غيرة...وويلات حيرة...وويلات اه وجراح ودموع

بس انا نفسى تأييد لى شموع...ارجع ادوب فى هواك من تانى

نفسى فى حضنك يبقا امانى ...نفسى احس معاك بكيانى

وانت انانى ...عايش جواك انسان تانى

كل ماقول انا هابقى اميرتك...ارجع تانى الاقينى اسيرتك

واعمل ايه دى عينيك وحشانى...بس انا نفسى تعيش فى زمانى

وانت انانى...عايش وياك انسان تانى

واحد غيرك ...ليه تفكيرك...بيروح ديما للى بيجرح

نفسى انا وانت كام يوم نفرح

كان جوانا قلب كبير...كان جوانا حلم جميل

انى اعيش وياك فى زمانك...وانت تعيش لى كمان فى زمانى

نفسى اكون كالطير ...مدبوح...لااحزن ولا افرح ولا ابوح

نفسى افقد فى حياتى الروح...او حتى اعيش فى زمن تانى

لافيه زمانك ولا فيه زمانى...بس ياريت تقابلنى هناك

دانا مقدرش اعيش من غيرك ...ننسى العالم ...ننسى الناس

يفضل ويانا الاحساس

لافيه يوم ليا ولا يوم ليك ...يومنا هايكمل بيا وبيك

بس اكيد مش هتبقى انانى...واكيد لازم تنسى التانى

واهو ده حلمى معاك دلوقتى ...نفسى اكون لك كل دقيقة

بس انا عايزة ااقول دى حقيقة.....انت انانى