شباب اليومين دول

ذاكر سعتين بتركيز كأنك ذكرت اليوم كلو - الغريب أما تقعد تذكر سعتين يقولو و هي دي مذاكره

مذاكرة إيه دي اللي على السرير

بلاش البرفان وانتى نازله

يا ابني تعالي اقعد معانا ولا أنت مأجر اوضه جوه البيت ......

يا خويا ياراتك حافظ الدروس اللي عندك زى ما أنت حافظ الاغانى كده

قبل الفجر: ارجع بات في المكان اللي أنت جاي منه.

عيشه تقصر العمر والواحد هيلاقيها منين ولا منين وأنا خلاص زهقت وجبت أخري وأنا عارفه مش هترتاحو غير لما أموت.

يا بنى حرام عليك هات قناة الناس الشياطين مالية البيت

متحطيش الموبيل جنبك و أنت نايمه هيجبلك تخلف عقلي .

ذاكر يا موكوس مش فالح غير في الهيافه والكلام الفاضى.

متتأخرش وهات عيش وأنت جاى .

هو ده اللي أنت فالح فيه طول اليل والنهار قاعد علي الزفت الكمبيوتر بتاعك لحد مهيجلك تخلف عقلي منه .

كل يوم هات .. هات لمة ربيتلى الهتهات (الحاج طبعا) مع أنى مش عارف اية الهتهات ده بس ماشية مع الجملة.

هتذااااااااكر هتاخد عنية مش هتذااااااااااكر هتاخد بالجزمة (هو في غيرة طبعا الحاج).

اوعا حد يضحك عليك ويقولك جرب السيجارة دي.

أبقى وريني مين حينفعك في الأخر من شوية الصيع الى أنت مشيلى وراهم .

قوم أقرا لك كلمتين ينفعوك .

مش ملاحقه علي التليفون ولا الموبيل عملا لي فيها الست المهمة.

برة البيت بتضحكوا وجوة البيت لاوى لنا بوزك ............ خلي شوية أصحابك الصيع ينفعوك.

لما ما ترضاش تأكل في البيت:طبعا مانت أتعودت علي أكل بره .

عيـــب ... لازم تحترم اللي أكبر منك .

انته مبتكلش جزر ليه .. اجيبلك برتقانه. طب كل سلطه .

يابني بأسلوبك ده مش هتعيش معاك واحده .

قومي ساعدي أمك ده اللي هيتجوزك أمه داعية عليه.

وفي الغالب الأخ بيحب يقول الجمله دى لأخته

أنا سايبالكوا البيت وماشية ومش حتشوفوا وشي تاني .

لمي هدومك انتى مش عايشة في زريبة بكرة أشوف بيتك هيبقى ازاى خرابة طبعا.

وأنت فاكر أحنا مستنيين منك حاجه .

المسلسل مش هينفعك ...قوم .

ابقي قبليني لو فلحت...بس ديما مش بيقلوا نقبلهم فينّ!!! غريبه .

مين اللي ساب باب الثلاجة مفتوح

كفاية رغي في التليفونات .

لما الولد أو البنت ماتاكلش تقعد الأم تقول وشك بقى عامل
زى اللقمة المقمرة هتتعبى ومش هتقدرى تروحي الكلية و هلف بيكى على
الداكترة.

اطفي التلفزيون وقوم ذاكر ولا و خش اوضتك .

ما فيش مذاكرة على المزيكا .. وازاى بتذاكر و البتاع ده شغال جنبك .
أنت فاشل من قليل

فلوسك بتروح فين يا هبله أنتي بتصرفي على الصبيان؟؟.

مع إن الواحد كل سنة بينجح و رغم كدة يقولولك ابقي تف على وشى لو نجحت كل سنة الكلام دة .

ماتتأخرش علشان عندك كلية بكرة بدرى.

ده منظر اودة بني آدم ، انت عايش فيها ازاى

هو أنا الخدامة الى أبوكم جبهلكم .

الى يطلع من الاوضه يطفى النور وراه .

أبوك عندك أهو أتصرف معاه .

نفسي أشوفك مره ماسك كتاب.

اعمل حسابك مش حندخلك جامعه خاصة.

قالب ليلك نهارك طول الليل صاحي وطول النهار نايم

طبعاً ما حضرتش ولا محاضرة ولا سكشن , وطول اليوم صايع بره البيت .

مالكش دعوة بالسياسة .. وماتمشيش في مظاهرات .و امشي جوا الحيط .

احمد ربنا الأكل الى مش عجبك ده في ناس مش لقينه .

قومي سخني الأكل لأخوك
وطبعا لو انتى بنت جدعه تروحي تقولي لاخوكى
سخن الأكل لنفسك

ومن اشهر الجمل الى بتتقال كل يوم بعد الأكل :

أنا مش الخدامة اللي اشترهاكوا ابوكوا اللي ياكل في طبق أو يشرب في كباية يغسلها ما يركنهاش في الحوض

ههههههههههههههههههههههههههههه
فعلا هو دا اللى بيحصل فى كل بيت
هههههههه
مشكور

» خواطر شباب